لو لقاني
الحكم صدر بعد جولات طويلة:
إبراهيم الجبالي: السجن المشدد ٢٥ سنة بتهم الابتزاز، الشروع في القت.ل، وتشكيل عصابة إجرامية.
مدير الفندق: ١٥ سنة.
باقي المجموعات: أحكام بتتراوح بين ٧ لـ ١٠ سنين.
ولما جه الدور على سليم الباشا:
القاضي بص له وقال: “نظراً لتعاونه الكامل مع النيابة العامة، وتقديمه أدلة حاسمة كشفت شبكة فساد تمس الأمن القومي، وتقديماً لموقفه الإيجابي في حماية الشهود…”
الحكم: السجن ٧ سنوات في قضايا التسهيل الجمركي وغسيل الأموال.
لما الجلسة رفعت، والناس بدأت تخرج، سليم اتلفت ناحيتي قبل ما العساكر ياخدوه ويقفلوا عليه الكلبشات.
ابتسم ابتسامة خفيفة، أول مرة أشوفها على وشه من ساعة ما عرفته.
هز راسه ليّ كأنه بيقولي: “شكراً.. انتِ صح.”
وأنا هزيت راسي.. وأنا عارفة إن الراجل اللي نص المحافظة كانت بتخاف تبص في عينه، اختار إنه يدفع ثمن غلطاته عشان يمسح الوساخة اللي عاش فيها.
خرجت من باب المحكمة للشمس.
المطر كان وقف، وشوارع إسكندرية كانت نظيفة مغسولة. مسكت تليفوني، اتصلت باختي:
—ألو يا أمل؟ الأوضاع تمام؟
—تمام يا حبيبتي.. روحي هاتي العيال من المدرسة.. كل حاجة خلصت، ومفيش حد هيقدر يلمسكم تاني.
قفلت التليفون، مشيت في الشارع وأنا حاطة إيدي على جنبي، بس المرة دي.. ماكانش فيه خوف، وماكانش فيه جري. كانت المرة الأولى من سنين، اللي أمشي فيها وأنا حاسة إني بتنفس هواء نظيف.
