بابا
إبراهيم جمع كل الدلائل والفيديوهات المحفوظة والتسجيلات على ثلاث أشرطة وفلاشات متشفرة. وأنا سبت فريدة في حماية حماتي مع أفراد أمن مأجورين يحرصوا الشقة، وطلعت أنا وإبراهيم فوراً على مكتب النائب العام ومباحث الأموال العامة والتجمع.
دخلنا وقدمنا بلاغ رسمي محضر بالغي الأهمية، ومعانا الفيديوهات اللي فيها نورهان وهي بتحط السم في العصير، وصوت شريف وهو بيتكلم عن التنازل وتزوير التقارير الطبية.
النيابة أول ما شافت الفيديوهات والتقارير المطبوعة، استصدرت أمر ضبط وإحضار عاجل وقهري ضد الثلاثة: نورهان، وشريف، والدكتور سامح العادلي.
الساعة كانت 4:30 العصر.
طلعت قوة من المباحث ومعاهم قوة مكافحة الج/ريمة، ورجعت معاهم على بيتي في التجمع الخامس.
فتحنا الباب بالراحة… نورهان كانت قاعدة في صالة الشقة، ومقعدة شريف جنبها ومطلعين أوراق ومستندات وفاتحين خزانة مكتبي اللي في الأوضة.
أول ما شافتنا والشرطة ورايا، الضحكة اختفت من وشها تماماً، والشباك وقع من إيد شريف على الأرض.
نورهان وقفت وهي بتمثل الذهول:
— طارق؟! إيه ده؟ في إيه يا جماعة؟ أنت جايب شرطة في بيتنا ليه؟
الظابط قرب منها بهدوء صلب وقالها:
— أنتِ المتهة نورهان، ومطلوب ضبطك وإحضارك بتهمة الشروع في ق/تل قاصر، والتزوير في أوراق رسمية، والاشتراك في شبكة إجرامية.
شريف حاول يعترض ويقول إنه المحامي بتاع العيلة وبيعمل مراجعة، بس الظابط كلبش إيده وإيد نورهان في ثانية واحدة. وفي نفس التوقيت، كانت قوة تانية بتداهم عيادة الدكتور سامح العادلي في المهندسين وبتظبطه متلبس ومعاه أدوية ومواد مخدّرة غير مصرح ببيعه.
التحقيقات بدأت في النيابة وسهرنا للصبح.
النيابة أمرت فوراً بنقل فريدة لمستشفى السموم والطب الشرعي لمعاينتها وعمل تحليل دم كامل. التقرير الطبي طلع كارثي: دم فريدة كان فيه نسب عالية من مادة سامة بتأثر على الجهاز العصبي والمخ وتسبب هلاوس وتشنجات، وهي نفس المادة اللي لو اتأخدت بجرعات متواصلة تؤدي إلى توقف عضلة القلب وفشل تنفسي كامل!
ومع انحصار الأدلة وتطويق النيابة ليهم بالفيديوهات والتسجيلات الصوتية، الدكتور سامح العادلي انهار في التحقيقات واعترف بكل حاجة عشان ينفذ بجلده من الإع/دام.
اعترف إن شريف ونورهان اتفقوا معاه من سنة ونص على التخلص من سارة مراتي عن طريق وضع نفس المادة في أكلها وشربها على فترات متباعدة، عشان يبان الموت طبيعي، مقابل 5 مليون جنيه وتسهيلات في صفقات عقارية! واعترف إنهم كانوا شغالين نفس الخطة مع فريدة ومعايا أنا شخصياً عشان يستولوا على الفيلا وباقي ممتلكاتي اللي تتعدى مئات الملايين.
