جارتي
أما في شغلي، سيف حاول يجيني الشركة يترجاني أتنازل عشان سمعه شركته وم شغلة بدأ يتأثر بعد ما نورهان راحت قدمت شكوى فيه في مجلس إدارة الشركة اللي شغال فيها وبالمستندات، وطردوه شر طردة لأن الشركة ماقبلتش بشركاء وموظفين بسلوك أخلاقي مشبوه وملاحقين بقضايا نسب وتربص.
نورهان كسبت قضية إثبات النسب، وأجبرت سيف يدفع نفقة شهرياً لأدم بالسيف والقانون، وسيف اضطر يبيع عربيته عشان يدفع مصاريف القضايا والمؤخر والنفقة اللي تراكمت عليه.
أنا بقى؟ بعد 6 شهور، أخدت وثيقة طلاقي للضرر. رجعت ل شغلي وركزت فيه أكتر، كسبت جائزة أفضل تصميم منتج على مستوى الشرق الأوسط، وشقة خالتي في حي الأشجار رجعت دافية ورايقة زي ما كانت طول عمرها.
أتاريك لما ربنا بيكشفلك الباطل في أول طريقك، بتكون دي أكبر نعمة.. الجوازة مابظتش بعد أسبوعين، الجوازة دي ربنا أنقذني منها قبل ما أصحي في يوم وألاقي نفسي شايلة شيلة مش شيلتي مع بني آدم خاين وجبان.
