إياكي
— ده طفل! بيلخبط الكلام وبيفهم غلط.
أدهم أصر وقال:
— وكمان عملت جواب في العيد وحطيتها جنب الشجرة، ماما رمتها وقالتلي تيتة مش فاضية تقراها.
حازم وقف مكانة زي الصنم.
حسيت إن حيرة خمس سنين اتجمعت وتحلت في ثانية واحدة.
— أنتِ قولتيللي إن أمي مش عايزة تشوفنا عشان تعبانة من شغل الفندق! — حازم قالها بصوت زي الرعد.
— يا حازم أنا كنت بحمي أدهم!
— بتحميه من إيه؟!
نادين شاورت عليا:
— من الفكر ده! إنه يكبر معندوش طموح ويرضى بأي حاجة!
فاروق غمض عينيه بأسى.
أنا وطيت على الأرض، لمت الشنطة الزرقا والعربية الصفيح المطبوقة.
— خمس سنين — قلتها وأنا ببصلها — أنتِ ما حرمتينيش من زيارة.. أنتِ حرمتي طفل من حنان تيته، وحرمتي ست من أحفادها عشان قررتي إن شغلي بيقلل مني.
حازم كان بيتتنفس بصعوبة وشبه بيعيط:
— هو أنتِ كدبتي عليا في إيه تاني يا نادين؟
نادين سكتت وما نطقتش.
وهنا فاروق اتكلم بصرامة:
— أنا بقا عايز أعرف حاجة تانية.. هو بجد أنتِ منعتي أدهم يلعب مع ابن الست اللي ساكنة جنبنا عشان أمه بتشتغل في مصنع؟
تقاطيع وش نادين اتغيرت تماماً.
حازم بص لها:
— بابا بيقول إيه؟
أدهم رد قبل ما هي تتكلم:
— ماما بتقولي في ناس ما ينفعش نتصاحب عليهم ولا ندخل بيتهم.
الموضوع ما بقاش مجرد حموات ومشاكل عائلية.. دي بقت تربية طفل وطريقة تفكير بيغرسوها فيه.
حازم مسك إيد أدهم بقوة وقال:
— الكلام ده مش هيخلص هنا ولا هيتعدى بالساهل.
بعدها بصلي وعينيه مليانة دموع:
— حقك عليا يا أمي.. سامحيني، كان لازم أتأكد بنفسي وما أصدقش كل اللي بيتقال.
ما قدرتش أرد عليه، دموعي كانت سبقاني.
أدهم قرب من العربية اللي في إيدي:
— دي ليا؟
دهتلهاله وأنا ببتسم من بين دموعي:
— شايلاها لك من زمان وأنا مش عارفة بتحب إيه.
حضنني بقوة.. كانت أول مرة أحس بإيديه الصغيرين ملفوفين حوالين رقبتي.
وأنا بحاول أمسك نفسي وما إنهارش في وسط القاعة، حازم وجه سؤال لنادين هز الفرح كله وكسر السكوت:
— نادين.. في كام حاجة تانية كدبتي فيها عشان تبعدينا عن بعض؟
نادين وقفت مكانها مش عارفة تنطق ولا تقول كلمة، وشها راح ألوان، وعينيها بتتنقل بين حازم وأبوها والناس اللي كانت واقفة تتفرج.
حازم ما استناش منها رد. مسك إيد أدهم جامد وقال بصوت حاسم وواطي بس هز القاعة كلها:
