اليوم
أنا نفسي ما كنتش أعرف حاجة عن تحويل الفلوس ده..
وساعتها بس فهمت إن النصبة والمصيبة أكبر بكثير من الكلمتين اللي سمعتهم في الحمام.
نور اتسمرت مكانها وشها بقى زي الجث\ة. أحمد كان واقف عيونه مليانة صدمة ووجع، يبص لنور شوية ويبصلي أنا وكريم شوية، وكأنه مش قادر يستوعب إن الست اللي كان فاكرها شريكة عمره طلعت بتخطط لتدميره.
الظابط في القسم لما شاف التحويل البنكي وشهادة كريم والدكتورة نهى، أمر بتوقيف نور وحبيبها —اللي اتعرف إن اسمه شريف— على ذمة التحقيق بتهمة النصب والاحتيال والاعتداء.
في النيابة، المفاجأة الكبرى انفجرت لما النيابة طلبت رسمياً الملف الطبي بتاع نور من عيادة الدكتورة نهى. الدكتورة قدمت التقرير: نور مش بس كانت حامل في الأسبوع الـ12، دي كانت بتتابع في العيادة من شهرين باسم مستعار، وباسم شريف كزوج! والأكتر من كده، إن الفحوصات والتحاليل القديمة اللي قدمتها لأحمد عشان تقنعه إن الجنين منه كانت مزورة ومأخوذة من ملف مريضة تانية.
ولما الضغط زاد على شريف في التحقيقات وخاف ينبس في السجن لوحده، كرّ الكارثة كلها وباع نور:
اتكشف إن نور وأمها فاتن وشريف كانوا عصابة منظمة! فاتن أمها مش غلبانة ولا حاجة، دي عليها قضايا شيكات بدون رصيد ونصب في منطقة الشرابية، وكانوا بيدوروا على “زبون لقطة” مريش زي أحمد عشان يلبسوه الجوازة والطفل، ويشفطوا منه أكبر مبلغ ممكن عن طريق طلب فلوس لسداد ديون وهمية، وبعد الفرح بكتير يعملوا مشكلة ويطلقوها وياخدوا المؤخر والنفقة والشقة!
لما أحمد سمع الاعترافات دي في النيابة، انهار وقعد على الكرسي ومش قادر يتنفس. التعب والشقا اللي تعبته عشان أربيه وأعمل منه راجل ناجح كان هيضيع في لحظة بسبب ناس معندهمش ضمير. مسكت إيده وقلتله:
— يا بني قدر ولطف.. ربنا كشفهم قبل ما تكتب الكتاب الرسمي وتلبس في حيطة. الفلوس بتروح وتيجي، بس شرفك وكرامتك يفضلوا مرفوعين.
أحمد قدر يسترد الـ 400 ألف جنيه بإجراءات قانونية سريعة بعد ما البنك جمد حساب شريف بناءً على أمر النيابة، ونور وأمها وشريف اتأحالت أوراقهم للمحاكمة بتهم النصب والتزوير والاعتداء.
مرت 6 أشهر..
أحمد قفل الصفحة دي تماماً، وركز في شركته اللي كبرت أكتر وأكتر. وفي يوم، جه لقاني قاعدة في الصالة، وبصلي بابتسامة كان بقالي كتير مفرحتش بيها:
