ساره 2
ريم ،، نعم !!! توصلني يعني ايه انا معرفكش حركب معاك عربيه ليه و ازاي يعني
الشاب ،، طب انا اساعدك ازاي و انت مش راضيه تهدي اصلا و متعصبه عليه
ريم ،، خلاص مش عايزه مساعده تقدر تتفضل ، خطيبي معايا هنا
الشاب ،، انا حبقى في الكافتريا لو احتجتي حاجه
ريم،، ايه يا استاذ انا قلت مش عايزه حاجه من فضلك سيبني لو سمحت
الشاب ،، انا اللي غلطان اني كنت عايز اساعد ، و تركها و اختفى
$$$$$$$$$$$$$$$$
في الكفتيريا
عمر ،، هم تأخرو ليه
بسمة،، انا لسه مكلمه ريم و قالت انهم بيشترو تذاكر الفلم
عمر ،، ايه يا ماهر انت مالك مبوز كده ليه
ماهر ،، مفيش حاجه
بسمة،، عمر بص ريم وصلت
بسمه احتضنت ريم و سلمت على خطيبها ثم سلمو على عمر
ثم صرخت ريم ،، اااانت ، بتعمل ايه هنا
فرد عليها ماهر ،، انت بنت خالة بسمة؟؟؟؟
عمر ،، انتو تعرفو بعض ولا ايه
ريم بأحراج ،، لا طبعا انا لسه شايفاه من شويه لما خبطني
ماهر ،، حضرتك اللي خبطتيني يا انسه
سامي ،، هو فيه ايه
عمر ،، خلاص يا جماعه حصل خير ،، اعرفكو الدكتور
ماهر صاحبي و دي تبقى ريم بنت خالة بسمة و الاستاذ سامي خطيبها
ماهر ،، اهلا و سهلا
ريم بأحراج ،، فرصه سعيده
كانت السهره جميله و ممتعه ولكن ماهر مكنش مركز في الفلم و لا اي حاجه غير ريم
معقول لسه في بنات بالرقه و الالتزام ده،،، لكن خطيبها ده دمه تقيل اوووي
و بعد الفلم قرر ماهر انه يكلم ريم
12
بعد خروجهم من الفلم ذهبو للعشاء في احدى المطاعم الراقيه المطله عل البحر
استأذنت ريم للذهاب الى الحمام فقرر ماهر الذهاب ورائها
ماهر،،، انسه ريم استني لو سمحتي
ريم،، فيه حاجه يا دكتور ماهر
ماهر،، بصراحه انا كنت عايز اعتذر منك على الموقف السخيف اللي حصل بدري
ريم،، لا مفيش مشكله انا كمان كنت سرحانه و مكنتش مركزه
ماهر ،، انت شكلك عصبيه جدا على فكره
ريم،، لا طبعا انا مش عصبيه بس كانت في حاجه معصباني ، و لو سمحت انا عايزه ارجعلهم
ماهر ،، انا اسف والله مش قصدي ادايقك
ريم،، انا مش متدايقه ياريت تسيبني ارجع لو سمحت
ماهر ،، حاضر ،، اتفضلي
عادو الى الطاوله و مرت الامسيه بسعاده ، عمر و بسمه كانو سعداء جدا بوجودهم مع بعض و كانو يتغازلون طول الامسيه ، اما ريم فكانت شارده تفكر في حالها مع سامي ، انه فعلا انسان تافه و كان يتحدث عن سخافات الامور اما ماهر فكان ينضر الى ريم بتمعن و اعجاب واضح ولكنها كانت شارده و لم تلاحظ اعجابه بها
