يوم الخميس

كل يوم خميس، كانت معشوقة جوزي بتيجي الصالون عندي، تسيبلي 400 جنيه تبس، وتقعد تحكيلي كل أسرارها. ما كانتش تعرف إن أنا مراته! الأسبوع ده ضحكت وقالتلي: “ده إبراهيم بقاله سنين بيقلد إمضاء مراته.. وبكرة هيجيب الورق هنا عشان يلبسها كل الديون قبل ما يطلقها”. ابتسمت وقالتلها: “قوليله ييجي الساعة 4”.

كل يوم خميس، الساعة 2 الضهر بالظبط، كانت معشوقة جوزي بتقعد على الكرسي بتاعي في الصالون، تسيبلي 400 جنيه تبس، وتقعد تحكيلي قصة حياتها.

أغرب حاجة إنها كانت بتثق فيا جداً.

– يا نورهان، أنتِ الشخص الوحيد في مصر كلها اللي أقدر أحكيله الحاجات دي.

ده اللي قالتهولي شيرين في أول جلسة ليها عندي.

وبعدها فضلت تكرر نفس الكلام كل يوم خميس تقريباً على مدار 11 شهر.

كانت بتسوق عربية كيا سبورتاج بيضا متأجرة عن طريق شركة جوزي.

وكانت عايشة في شقة في التجمع الخامس، على كلامها إن صاحبها اشترالهالها عن طريق شركة.

وكانت مغرومة بـ واحد اسمه إبراهيم الشناوي.

جوزي.

كنا متجوزين بقالنا 26 سنة.

أول مرة شيرين قالت فيها:

– حبيبي إبراهيم عنده شركة مقاولات وصيانة صناعية.

حسيت المشط وقف بين صوابعي.

ثانية واحدة بس.

وبعدها كملت شغل عادي.

شيرين عمرها ما شكّت في أي حاجة.

بالنسبة لها، مرات إبراهيم كانت ست ممله ومبقاش فارق معاها، ست يا دوب فاهمة أي حاجة في الفلوس.

ست – على حد قولها –:

– بتعمل شعر ولا بتعمل أي كلام وخلاص.

أنا ما صلحتلهاش المعلومة.

كل يوم خميس، بعد ما شيرين تمشي، كنت بفتح آخر صفحات في أجندة مواعيدي وأكتب.

التاريخ.

الساعة.

الاسم.

الحساب البنكي.

العقار.

المبلغ.

على مدار شهور، عرفت عن جوزي وأنا بتبص على قفا معشوقته أكتَر ملي عرفته وأنا قاعدة قصاده في مطبخنا على مدار سنين.

بس الخميس ده، كل حاجة اتغيرت.

شيرين جأت متاخرة 5 دقايق، وكانت بتلعب بالموبايل وهي مهيبرة.

– أخيراً عملها!

ورّتني صورة خاتم ألمظ.

– بيقولي أول ما الطلاق يتم هنتجوز على طول.

فضلت حاطة الفويل في شعرها وكملت.

– وهل الموضوع هيبقا سهل؟

شيرين ضحكت بصوت عالٍ.

– سهل جداً.. مراته اصلاً ما تعرفش معاهم كام ولا عندهم إيه.

حسيت بتقل في صدري.

وهي كملت كلامها.

إبراهيم كان بقاله سنتين بيقنعني إن الشركة على وش الإفلاس.

وأنا صدقته لدرجة إنني بدأت أشتغل في عيادة أسنان كل يوم سبت أروقها عشان أساعد في مصاريف البيت.