كبير العيله ج2

_يونس بيه!! شكرا انك انقذتلي ابني

اوما يونس برأسه وهو يناوله لها قائلا بهدوء:

_حصل خير، انا كنت معدي مش اكتر وشوفته فلحجته جبل ما يدوسه، بس خلي بالك منه بعد اكدة، وابجو بعدين اجفلو الاسطبل اكويس

حملت السيدة الصغير لاحضانها تقبلها بلهفة وحب ثم قالت براحة:

_هو اللچام بتاعه اتجطع فكانو بيركبوله واحد لكنه هرب.

اومأ براسه بهدوء ثم اشار بعدها لروفان قائلا:

_امشي معايا اوصلك لبيت اهلك

اومأت برأسها تسير معه دون ان تجرؤ على اخراج حرف واحد حتى لا يلتهمها

ظلت تسير معه بصمت الى ان اقتربت من بيت جدتها لتتفاجأ به يقف مرة واحدة ليهتف بعدها بغضب:

_هو انتِ مش ناوية تليميها لبر يا بت الزهار؟ ايه همشى الف ورا مصايبك ولا ايه؟
لو عايزة تموتى موتى واهو على الاجل تريحنا من مصايبك لكن تبلي الناس بيكِ ليه؟

النهاردة لولا ستر ربنا ولولا اني كنت معدي بالصدفة كنتي هتموتى وهتچيبي للناس مصيبة سودا، ايه مش بكفياكي عاد؟

تساقطت الدموع على وجنتيها من حديثه العنيف معها لترفع عيون مجروحة جهته تجيبه بعتاب:

_صدق او لا يا بيه بس انا كان نيتي خير وكل اللى كنت عاوزاه هو اني انقذ الطفل ده، وعلى الرغم من اني بخاف من الاحصنة الا ان جسمي اتحرك من نفسه لما لاحظت انه هيموت

نفخ يونس الهواء من فمه بضيق يحاول تهدئة نفسه ليسمعها تقول بحسرة:

_انا مش هتكلم لاني عارفة رايك فيا وفى ادبي واخلاقى وانت معاك حق لان اول مقابلة لينا كانت بمصيبة، وانا حابة اقولك اني متشكرة على اللى عملته معايا بس…

صمتت لترفع وجه غارق بالدموع تكمل برجاء:

_بلاش تعين نفسك قاضي دايما عليا وتشوفني دايما بعين الجاني، انا خرجت برغبة ستى اللى طلبت مني اتمشى فى الارض وتوهت، لكن ان كانت اوامرك اني مخرجش من البيت تانى انا هنفذها بس بلاش كل مرة تشوفنى فيها تسم بدني بكلامك لان ده مش من حقك

انهت كلماتها تخلع عنها سترته تناولها له ومن بعدها ركضت جهة منزل جدتها الذى لاح فى الافق وصوت شهقاتها يتعالى لتصله وبوضوح ليزفر وقتها انفاسه بحنق من كل ما يحدث معه ومن بعدها التف ليعود لمنزله وهو يلعن اسلوبه الخشن الدائم والذي يجرح الجميع دون شعور

ــــــــــــــــــــــــــــــــــــــــــــــــــــــــــــ

دخل المنزل يزفر انفاسه بضيق بعد هذه المشادة الكلامية بينه وبين تلك المراهقة الصغيرة وهو يلوم نفسه على اسلوبه القاسي معها واخراج ضغوطات اليوم عليها بل وقلقه حينما رآها كادت تزهق روحها اسفل اقدام ذلك الحصان امامه ليعنفها بقسوة