كبير العيله ج2

ضحكت روفان متحركة صوب الداخل ولكنها عادت بعدها تسالها بتعحب:

_الا قوليلى يا ستي انتِ عاملالنا ايه اكل

_عدس

_ لا خليه انا جايبالك اكل معايا، اكل موكلهولكيش جدي فى زماناته

ضحكت راوية تسالها بفضول:

_وهتوكليني ايه ان شاء الله، كشري!!

_عيب عليكِ يا راوية، بقى انا نهار ما اعزمك اوكلك كشرى!!

ثم ناولتها بعدها ذلك الكيس البلاستيكي تجيبها بمرح:

_ده كريب بانيه جامبو معتبر من اللى قلبك يحبه

قطبت راوية حاجبيها بتعجب من رؤية تلك الشطيرة مثلثة الشكل التى تقبع بين يديها لتشير لها روفان بيدها قائلة بمرح:

_سمي الله وكلي، ولو حصل حاجة المستشفى مش بعيد هيعملولنا غسيل معدة بسرعة، واهو هنروح سوى

تعالت ضحكات راوية على جملة حفيدتها لتبدا بعدها بقضم الطعام تتذوقه بتلذذ لتبتسم وقتها روفان لها ابتسامة حانية ولكنها انتبهت لذلك الصوت الخشن وهو يهدر بالخارج:

_بارب يا ساتر

تحركت راوية للخروج ولكنها توقفت اثر يد الصغيرة التى امتدت تمنعها وهى تقول بحماس:

_خليكِ وانا هشوف مين

خرجت روفان تفتح الباب لتجد عتمان امامها ولكن ما ان رآها امامه بتلك الشطيرة حتى همس بحرج:

_معلش يا ست البنات جومتك من على الوكل بس انا كنت چايب طلبات السبوع للست ام عبد السلام

ابتسمت روفان تجيبه بمرح:

_لا مقومتنيش من على الاكل ولا حاجة يا عم عتمان، ده كريب عادي يعني

قطب الاخر حاحبيه يهمس بتعجب:

_كِرِيبة، ازاي يعني؟

تعالت ضحكات روفان المرحة لتجيبه بمزاح:

_لا واضح ان البيه بتاعك مش مدلعك زيادة انه يوكلك الحاجات دي

احتدت نبرة عتمان وهو يجيبها بدفاع:

_لا، البية ميحوشش عني حاچة واصل، ولو طلبت منه البتاع ده مهيجوليش لا

ضحكت روفان لتجيبه بمهادنة:

_خلاص متزعلش يا راجل يا طيب، البيه بتاعك احسن واحد فى الدنيا ومش مقصر فى حاجة، بس سيبها عليا دي، انا اللى هفسدك بالمنكر ده

اتسعت عيني الرجل وهو يهمس بعدم تصديق

_منكر!!

هنا وتعالت ضحكات راوية تجيبه بتعقل:

_متاخدش على كلامها يا عتمان، فيه حد ياخد على كلام عيلة مسحوبة اللسان زيها، ده وكل عادى، سندوتش بانيه بس ييدلعوه وهي بتضايجك بس مش أكتر

ضحكت روفان بخفة وهي تقضم من شطيرتها بتلذذ وهي تناظره بشقاوة محببة ليهز راسه قائلا بعتاب:

_الله يسامح يا ست روفان

ضحكت روفان وهي تسحب الحقيبة منه مجيبه بمرح: